Mendoj se tashmë është e qartë se çfarë është qëllimi i vërtetë i shkencës kompjuterike. Të gjitha operacionet që përdoren për të ndërtuar algoritmet që u takojnë një prej tre kategorive:

• Operacionet vazhdues

  • Këto instruksione zbatojnë një detyrë të definuar mirë. Kur ajo detyrë mbaron, algoritmi vazhdon me operacionin tjetër.

  • Një shembull mund të jetë ky:

    • Vlerën e x shënoje 1

• Operacionet kushtëzues

  • Këto janë instruksionet e algoritmeve që pyesin pyetje. Përgjigjja e pyetjes cakton se cili operacion do të zbatohet.

  • Një shembull mund të jetë ky:

    • A është përdoruesi i regjistruar?

    • Po, hape aplikacionin për përdoruesin.

    • Jo, dërgoje përdoruesin te faqja për regjistrim.

• Operacionet përsëritës

  • Këto janë instruksione përsëritës të një algoritmi. Këto na thojnë që të mos kryejmë operacionin tjetër deri sa të përsërisim aq herë sa kërkon përsëritja.

  • Një shembull mund të jetë ky:

    • Përderisa shporta është e mbushur me pemë, largo një pemë nga shporta.

Kuriozitet
Abu Ja’far Muhammad ibn Musa Al-Khowarizmi (AD 780-850)

Fjala algoritëm rrjedh nga emri i fundit i dijetarit të njohur, një matematicient Persian dhe autorë i shekullit 8-të dhe 9-të. Ai ishte një mësues në Shkollën e Dijes në Bagdad dhe autorë i librit Libri Konciz i Kalkulimit me Zbritje, që është një ndër librat më të hershëm të matematikës. Në libër ai sqaron procedura formale, hap pas hapi për të bërë operacione algoritmike siç janë mbledhja, zbritja, shumëzimi.

Definicioni i algoritmit është si vijon:

Një koleksion i mirë-rradhitur i operacioneve të llogaritshme, efikasë dhe të qartë, të cilët zbatohen duke prodhuar rezultat dhe ndalojnë në një kohë të caktuar.