Më herët folëm se si Softueri i Sistemit që është pjesë e Makinës Virtuale, mundëson që përdoruesi të manipulojë me pjesën e harduerit.

Programi i cili kontrollon punën e kompjuterit është Sistemi Operativ (Operating System), dhe është programi më i rëndësishëm i kompjuterit. Sistemi Operativ është ai që komunikon me përdoruesin, kupton se çka dëshiron përdoruesi, dhe pastaj aktivizon programe të tjera të sistemit të cilët do e kryjnë kërkesën e përdoruesit. Ka plot programe tjera të sistemit që kontrollohen nga ana e Sistemit Operativ, siç janë:

Ndërfaqja e përdoruesit (User Interface) – Të gjithë sistemët e rinjë operativ mundësojnë një pamje grafike vizuale që ja lehtëson përdoruesit punën me kompjuterin.

Shërbimet e gjuhëve programore (Language Services) – Këto programe, të quajtur asemblerë, kompajlerë dhe interpretues, mundësojnë përdoruesit të përpilojë programe në një gjuhë më të lehtë (high level) dhe jo të përdorin gjuhë të makinës siç mësuam më herët.

Menaxhuesit e memorjes (Memory Managers) – Këto programe menaxhojnë hapsirën që ju nevojitet programeve në memorje.

Menaxhuesit e informatave (Information Managers) – Këto programe merren me organizimin, ruajtjen, dhe tërheqjen e informatave nga mjetet siç janë harddisqet (hard drives), DVD, USB etj.

Sistemet I/O (I/O Systems) – Këto mundësojnë që të komunikohet me pajisjet hyrëse dhe dalëse që i mësuam më herët.

Planifikuesi (Scheduler) – Ky program mban një listë të programeve që duhet të punojnë në procesor, dhe zgjedh se cili program do të punojë pastaj.

Ka edhe programe të tjera që manipulohen nga ana e sistemit operativ gjatë përdorimit të zakonshëm të kompjuterit.