Është shumë e lehtë të matet shpejtësia e veturës, aeroplanit, trenit apo ndonjë mjeti tjetër. Vetëm krahasohet shpejtësia e tyre me km/h dhe shihet se kush është më i shpejtë. Por, te krahasimi i kompjuterëve nuk është aq e thjeshtë.
Mesiguri ke dëgjuar për shpejtësinë e orës (clock speed), e cila matet në miliona rrotullime për sekondë, apo MHz (megahertz), ose me miliarda rrotullime për sekondë, apo GHz (gigahertz). Veprimet e çdo kompjuteri kontrollohen nga një orë qendrore, dhe rrotullimi i kësaj ore është një mundësi për të matur shpejtësinë. Procesorët sot kanë shpejtësi prej 3 deri 5 GHz apo edhe më tepër.
Por, shpejtësia e orës mund të jetë çorientuese pasiqë nuk e tregon të gjithë të vërtetën. Psh, nëse procesori A ka rrotullim ore dyfish më të shpejtë se procesori B, por procesori B e kryen një udhëzim me më pak rrotullime ore se sa A, nuk mund të themi se A është më i shpejtë, apo B është më i shpejtë.
Prandaj, më e afërta që mund të afrohemi gjatë krahasimit të shpejtësisë është përdorimin i shpejtësisë së kryerjes së udhëzimeve (instruction rate), e cila matet me MIPS (miliona instruksione për sekondë), apo GIPS (miliarda instruksione për sekondë). Kjo mënyrë matë se sa udhëzime të gjuhës kompjuterike mund të merren, dekodohen dhe të kryhen brenda një sekonde.
Por, pasiqë nuk ka një metodë oficiale për krahasimin e shpejtësisë së kompjuterëve, çdo prodhues mund të krenohet se kompjuteri i tij është më i shpejtë se të tjerët.
