Përpara se të vazhdojmë me sqarimin e kësaj pajisjeje, do të duhet të shohim edhe njëherë se çka jemi duke mësuar. Shikoni foton e mëposhtme. Kemi procesorin (apo CPU), memorjen dhe I/O pajisjet. Ndërsa në brendinë e procesorit kemi pajisjen Aritmetike/Logjike (arithmetic/logic unit, apo shkurtë quhet ALU) si dhe pajisjen kontrolluese (control unit).
Pajisja ALU kryen operacione matematikore dhe logjike si mbledhja, zbritja dhe krahasime për barazi. Kjo pajisje ka 3 pjesë: regjistruesit (registers), lidhjet ndërmjet komponentave, dhe qarku ALU (ALU circuitry). Të gjitha këto komponenta quhen rruga e të dhënave (data path).
Regjistruesi është një qeli e shpejtë e cila mban vlerat që do kalkulohen (operands), dhe pasi të kryhet kalkulimi, mban rezultatin e tij. Regjistruesit janë të ngjajshëm me RAM memorjen por me disa dallime të vogla. Nuk kanë ndonjë adresë për memorjen, mund të qasen më shpejtë, si dhe nuk përdoren për asnjë punë tjetër përveç atyre që i cekëm më lartë. Psh, nëse ALU do kishte 3 regjistrues A, B dhe C, atëherë regjistruesit A dhe B do mbanin vlerat që do kalkulohen, ndërsa vlera C do mbajë rezultatin.
Gjatë lëvizjes së vlerës kalkuluese prej memorjes në ALU regjistruesit, shfrytëzohen disa rrugë për sinjale elektrike të quajtura autobusë (bus).
