Në mësimin e kaluar mësuam për elementet themelore të HTML-së si dhe krijuam një uebfaqe të thjeshtë. Por, na duhen më tepër elemente për të dizajnuar një uebfaqe që do duket bukur dhe që do të plotësojë nevojat tona. Disa nga këto elemente përfshijnë:

• <div>

  • Ky element përdoret për të grupuar më tepër elemente sëbashku.

• <meta charset=”UTF-8″>

  • Me vendosjen e këtij elementi ne mund të përdorim karaktere apo shkronja të veçanta si psh “ë” dhe “Ç”.

• <ul> ose <ol>, dhe <li>

  • Shenja <ul> ka kuptimin “unordered list” që dmth një listë e pa ndonjë renditje. Por, shenja <ol> është “ordered list” që dmth një listë me renditje të caktuar. E para <ul> përdoret për të shënuar ndonjë shenjë përpara listës, ndërsa e dyta <ol> shënon ndonjë numër apo shkronjë që të tregojë rradhitjen e elementeve. Pasiqë e vendosim se cilën formë do përdorim (<ul> ose <ol>), pastaj fjalët si të tilla mund të shënohen nëpërmjet <li>. Çdo fjalë tonën që dëshirojmë ta vendosim në ndonjë listë do ta shënojmë brenda elementit <li>.

• <a href=”yep.mk”></a>

  • Ky element përdoret për të vendosur ndonjë lidhje për tek ndonjë uebfaqe tjetër. Psh, nëse dëshirojmë që në uebfaqen tonë të kemi një link që do ti dërgonte shfrytëzuesit deri tek uebfaqja e YEP, atëherë do të përdorim elementin siç e kemi shënuar më lartë.

• <img src=”desktop/fotografia.jpg”>

  • Për vendosjen e fotove duhet të përdorim elementin <img> të bashkangjitur me atributin “src” që ka kuptimin “source”, ku ne duhet të shënojmë vendosjen apo lokacionin e fotos që dëshirojmë ta përdorim në uebfaqe.

• <video width=”320″ height=”240″ controls>
  <source src=”movie.mp4″ type=”video/mp4″>

  • Videot mund të vendosen nëpërmjet <video> duke shënuar atributet “width” edhe “height” për të treguar dimenzionet e ekranit që do të shfaq videon. Ndërsa me elementin <source> e shënojmë lokacionin se ku ndodhet videoja dhe çfar lloji është ajo.

Në mësimin e ardhshëm do të vazhdojmë me ndërtimin e uebfaqes që e filluam duke përdorur disa nga elementet që i mësuam tani.