Mësimi 2 – HTML

HyperText Markup Language (shkurt HTML) është gjuha standarde sqaruese për të ndërtuar uebfaqe dhe ueb aplikacione. Në të vërtetë është e lehtë të përdoret por ajo ka komponentat kryesore të çdo uebfaqeje që mund ta gjeni. HTML elementet shkruhen në brendi të etiketave si psh “<body>”. Çdo element që hapet si psh <p> duhet edhe të mbyllet si psh </p>, apo <title> me </title>. Ka shumë elemente të HTML që përdoren për të ndërtuar një uebfaqe. Më poshtë do të cekim disa që mendojmë se përdoren më së shumti:

<html> </html>
- Ky element definon gjithë dokumentin dhe i tregon shfletuesit (browserit) se kodi në vazhdim do të jetë i shkruar në HTML.

<head></head>
- Ky element mban informata sqaruese për uebfaqen. Këtu mund të shënojmë titullin e ndonjë faqeje, për shembull <title> Uebfaqja ime </title>

<body></body>
- Të gjitha përmbajtjet e dukshme të uebfaqes janë të vendosura në këtë element dhe e definon trupin e dokumentit. Shumica e elementeve të HTML-së janë të vendosura brenda këtij elementi.

<p></p>
- Ky element përdoret për të shënuar paragrafët.

<h1></h1>
- Për të përdorur titujt, e shënojmë këtë element. Gjithashtu, mund të ketë forma të ndryshme si <h1>, <h2>, <h3>, <h4>, <h5> and <h6>. Vetëm duhet të keni kujdes, <h1> është titull me shkronja më të mëdha se sa <h6> e cila ka shkronja tepër të vogla.

<br>
- Ky element përdoret për të vendosur hapsira të zbrazura dhe për të vazhduar me ndonjë rresht të ri.